Taluk hi World Cup ah an i tel kan thei bal lo. Bawlung chuih an thiam le thiam lo hmanh tampi nih cun kan thei hna lo......
Asinain bawlung chuih an duhnak thisa a sang chin lengmang cang. An thiam le thiam lo hmanh kan theih lo lioah 2050 ahcun Football Superpower kan si lai tiah Taluk cozah nih an ti cang.
Asinain bawlung chuih an duhnak thisa a sang chin lengmang cang. An thiam le thiam lo hmanh kan theih lo lioah 2050 ahcun Football Superpower kan si lai tiah Taluk cozah nih an ti cang.
England bawlung chuih thiam Wayne Rooney zong man fak taktak (zarh khat ah £1Million) in cawk an timh ti a si, asinain Rooney leiin si thiam dawh a si rih lo. Caan hngah bang rih a hau. Wayne Rooney agent zong Taluk ah rian a tuan peng ko rih ti a si. An karlak pehtlaihnak a cat taktak rih lo. Taluk zong ah aa thial men te ko lai ti a zummi zong an um.
Taluk nih 2050 ah cun vawleicung ah bawlung chuih thiam bik sinak ding ah atu hmanh ah tangka an hmanmi zong a tam tuk cang. 2016 ah Taluk Super League nih an hmuitinh an tlinhnak ding ah ramdang in an hlanmi hna caah an hmanmi tangka hi $451.3 mllion a si cang. Taluk ah a ummi ah Carlos Tevez le Oscar tbk hna an si.
Tevez hi Argentina a si i, Manchester United ah a um cangmi a si. Oscar hi Brazil a si i, Chelsea ah a um thing a si. Bawlung chuih leiah Taluk lung a thawh khawh chin lengmang nak ding ah biatak tein bawlung chuih an cawnpiak hna.
Atu lioah Cristiano Ronaldo hrimhrim cu Taluk ah a lar kho tung cang ti a si. Taluk online ah an duh bikmi a si cang. Gareth Bale le England captain Wayne Rooney naak hmanh in Taluk mipi nih an uar deuh cang. Cerhtual lawng ah minthan loin media hmun kip tiang in a lar cang. Online ah bawlung chuih thiam ah an zohmi hna ah Ronaldo zohtu hi a lethra in an tam tiah Red Card report nih a tial. Ref: CNN.
Zarh Khat Ah £1Million In Taluk Ah Aa Thial Men Lai
---------------------------------
-------------------------------