April 29 ah White House Correspondents' Association tonnak a um lai i, zanriah dumtinak zong a um lai. Kum tin in an tuah lengmangmi a si.....
Asinain President Trump nih cun Washington Hilton ah ka kai lai lo tiah twitter ah a tial. US President kip ti awk in an kai lengmang. Zeiruangah dah Trump nih kai lo aa timh?
Asinain President Trump nih cun Washington Hilton ah ka kai lai lo tiah twitter ah a tial. US President kip ti awk in an kai lengmang. Zeiruangah dah Trump nih kai lo aa timh?
White House Correspondents' Association hi media bu nih an dirhmi a si. Inn Raang le President he pehtlaihnak caah an hmanmi program pakhat zong a si i, February 25, 1914 ah an rak dirhmi a si. An dirhnak ruang cu President Woodrow Wilson press conference ah zei bantuk media dah an kai kho lai timi Congress committee nih thim an timh hna timi biachokvai a rak chuak.
Media bu nih biachokvai cu an theih cio tikah an lung a rak tling lo i, White House Correspondents' Association timi hi an rak dirh. Kum khat ah voikhat lengmang ton-pumhnak an tuah i, media pakhat hnu pakhat nih hruai an i chang. Media zalonnak an conglawmhnak zong a si i, hmailei media dirhmun kong an ceihnak hmun zong a si.
Inn Raang Press conference ah media cheukhat luhter an sianh lomi kong zong Upat te nih an ceih chih lai. Ton-pumhnak ah hin media lawng si loin minta - mintami le political lei upa hna le mi lianngan dangdang an i tel hna lai. A riantuanmi a kau ngaingai. Media thiam cem laksawng peknak, scholarship peknak le nuamhseihnak phunphun zong an tuah chih.
Atu lio an hruaitu hna cu:
President: Jeff Mason, Reuters
Vice President: Margaret Talev, Gloomberg
Secretary: Todd Gillam, Dallas Morning News
Treasurer: Doug Mills, New York Times
Chungtel
Olivier Knox, Yahoo
Zeke Miller, Time
Alicia Jennings, NBC News
Jon Decker, Fox News Radio
Julie Pace, Associated Press
Executive Director
Julia Whiston
Vice President Mike Pence le Inn Raang press secretary Sean Spicer cu an kai ko lai, asinain President Trump belte cu ka kai lai lo a ti. Asinain duhsaknak kan ngeih hna ti cu a tial. Trump zong kum dang ah cun a kai lengmangmi a si. Asinain a kai duh lonak ruang cu zeidang ruangah si loin media nih a lung an ton lo tuk ruangah a si lai tiah media cheukhat nih cun an tial.
Media le Inn Raang karlak pehtlaihnak a rawk chin lengmang. A ruang dangdang um lo cun US President kip nih an tel pimi hna a si. Richard Nixon a rak kai lo. Jimmy Carter cu kaa ba tuk tiah a rak kai lo, Ronald Reagan zong a rak kai lo.
John F. Kennedy nih nu an kai ve lo ahcun ka kai lai lo tiah a rak thihpheih hna i, mah hnu cun nu zong an kaiter ve hna. A can ahcun President phomhnak puai hna an lo an ti. President cu an phomh taktak hna. George W. Bush chan lio hna ahcun program lio pi ah Bush riantuantu upa cheukhat hna cu program dih hlan in an rak tin len hna. BBC.
Manny Pacquiao Le Amir Khan An I Thong Lai
-----------------------------