US, Texas ah sayamah rian a tuanmi Nancy Salem cu twitter ah Jews mi thahnak kong a tial ruangah sianginn sayamah rian a tuannak in an phuah. US khuasa Jews mi thahnak le huatnak kong a tial pah lengmang.
Twitter in a tanglei ca a tial hna ruangah a rian an phuahnak a si.
'Keimah caah Palestinian vawlei ka hnamhpiak u law Jews mi that bang hna u' tiah a tial. A tial thanmi cu 'Holocaust ah khan Jews mi zeizat dah an thi?' a ti. Activist Group nih a report ning ahcun Nancy Salem hi Israel a dohtu le a huatu minung 24 chungah aa telmi a si an ti. A kong an hlat dih hnuah a sianginn nih biachahnak an tuah colh.
A sianginn Children’s Courtyard nih nithumni ah thawngthanh an vun tuah colh i, Nancy Salem cu kan sianginn ah rian a tuan ti lo. Kan minung a si ti lo. Rualrem tein um ti khawhnak, pakhat le pakhat i dirhkamhnak hmun ser le midang zawnruahnak ngeih hi kan hmuitinh sangbik a si' an ti.
A chim thanmi cu 'Nancy Salem nih twiter ah Jews mi huatnak a tialmi hi kan sianginn hmuh ning le ruah ning a si lo. Kan riantuantu cu zulh ding le upat ding phung a ngei i aa nun pimi an si. Hi kongah kan senior upa hna nih tha tein an hlat dih cang. Kan sinah hi nu hi rian a tuan ti lo' an ti. Ref: the sun.
Duhmi Tlangval Co Duh Ruangah Zeidah A Tuahmi A Si?
-----------------------------------