Kan inn ah ISIS an rak lut i, ka lu ah pistol in kah ding in an ka timh. Kan chungkhar dih lakin hmun dang ah kal ding in a kan fial zeicatiah Iraq ralkap an rak ra thluahmah cang. 'Zei e' ka vun ti i, a ka lehmi cu 'zumhnak pialsual (Iraq ralkap) khamh ding in maw na hngah' tiah a ka ti.
A thatnak tein chim kaa zuam than i, 'Iraq ralkap ka hngak hna lo. Zaangfahnak in kan inn cun kan chuahter hlah u' tiah ka nawl hna. A ka leh thanmi cu 'nan inn nan chuah tak lo ahcun nan chungkhar dih lak le nan inn kan khangh dih lai' a ka ti.
A pistol in kah a vun ka tim ah ka nu le ka farle nih an ka vun ka zuan hnawh i an ka khuh. A ka that than lo. Hi thil a caan hi a luan cia zarh hnih ah khan a si. Tlanglawng station leiah a kan kal pi i, inn hnih ah minung 100 hrawng kan um hna.
Ka upa inn kan um lioah ISIS nih Iraq helecopter an kah i, inn chungah an i thup. Iraq helicopter nih an vun kah ve hna. Ka chungkhar minung 19 an thi. Ka chungkhar a thimi chungah thla 10 le thla hnih minung zong an i tel i, ka nau kum 14 zong a thi. Ka upa fale zong an thi. Kan tuar ning hi bia le hmurka in chim khawh a si lo.
Inn nih a cimh pi dih hna i, an ruak zong la kho loin Iraq ralkap nih a rannak in a kan kal pi. Ka chungkhar ruak zong kan vun kho hna lo. Ka lung a fak tuk. Ka kir than lai i, ka chungkhar ruak ka vui hna lai ti zong lam an kham dih cang. Lengah an ruak an um tikah uico hna nih an ei hna.
Ka chungkhar ruakvui loin ka ummi cu ka celh lo tuk a ti. Iraq ralkap nih ISIS umnak an ka halmi zong ka chim hna tiah a chim. Iraq i Hammam Aleel camp ah an um cang. Hi camp ah hin thlam an sangmi 4,000 hrawng a si cang. Mosul lak an timh hnuin ralzam an vun karh chin lengmang than. Ref: VOA News.