Taipan hi Australia rul vialte lakah a tihnung cem a si. A changtu ah Eastern Brown rul an timi hi a si i, an celh lo ngaimi rul a si. Khuate deuh le lo tbk ko hin an zual khun. Australia ah rul cuk in a thimi 100% chungah hin 60% hi cu Eastern Brawn rul cuknak in an si.
Australia i Victoria peng Wimmera ah nufa hna pahnih cu hmaan an i thla i, an pawngah tihnung tukmi rul a um an thei lo. A fanu Molly cu a dirter i a nu nih hmaan a vun thlak. Ruah lo piin a fanu kam te ah rul ngan pi a kal lio a hmuh. A chimmi cu 'ka lau tuk i sok zong ka ngah deng' tiah a chim.
A chim thanmi cu 'tha tein ka zoh cu Molly ke hram ah a pum hrap cheu cu a lan cang. A kedan a tongh lo lawng a si. Ka ruahmi cu va tlik hnawh i a rannak cawi zokzok k alung ah a chuak. Asinain ka cawi ahcun rul nih a kan dawi sual ti ka phang. Vanthat ah a liam colh' tiah a chim.
'Atu tiang zong ah ka mit kaa chimh paoh ahcun ka mitthlaam a cuang lengmang. Ka fale dangdang nih cun hmanthlak an zoh le cangka in an theih khawh colh, asinain Molly nih cun a tih awk ah a thei lo. A hmanthlak ka zohter i rul a um le um lo hmanh a thei lo. 'Keimah ka si' a ti menmen ko tiah a nu nih a chim.
'Molly nih tih awk a theih caah ka hnangam tuk' tiah a chim chih. A chm thanmi cu 'zan zong ah mitkuh thaw tein a it peng ko. Mah hnu cun inn pawng chawhvah zong kan tih i kan i ralring tuk cang tiah a nu nih a chim. Ref: The sun.