A thli in a tlangval he caan an hman i sex an tuahnak vialte cu a tlangval nih a thli in video in a rak lak dih. A ngaknu Mischa Barton nih pakhat hmanh a rak thei lo. A hnuah a tlangval nih sex tape cu a thli in a rak zuar i, hmun dang zong ah zuar a timhnak vialte a theih than.
Barton nih a chimmi cu 'a thli in kan tuahmi vialte video in a rak lak i Youporn, Redtube le Porn.com tbk ah zuar ding in a rak pehtlaih hna. $500,000 a hauh hna i cawk ding in anmah zong an i ruah cuahmah lio a si tiah California conference an tuahnak ah a chim.
A chim thanmi cu 'ka tih bikmi ka tong. Hi bantuk dirhmun i um cu a rak har tuk. Ka duh i ka dawt i ka zumhmi nih a thlithup thil kan tuahmi video lak cu ka ruah bal lomi a si. Keimah theih loin a thlithup in video a rak lak dih' tiah a chim.
'Raltha in mipi sinah ka phuanmi hi keimah ca lawng si loin nu vialte hna caah ka phuan. Nu nih hi bantuk hi an ton awk a si lo' tiah a chim chih. Barton sihni nu nih a chimmi cu 'Mischa hi a piaka hartong pakhat bantukin a um cang. Biaceihnak zung ah kan doh lai' tiah a chim.
A sihni Lisa Bloom nih a chimmi cu 'Mr Barton taklawng hmaanthlak hmun kip ah an zuar len cang timi report zong kan theih. Cu bantuk hmanthlak pawl cu Barton nih leng chuahter a duh bal lomi an si. Hi bantuk thlithup thil tuah hi nunnak hrawktu zong a si i, fir phun khat zong a si' a ti. Ref: Daily Mail & The Mirror.