Sean Price 33 hi misual, nu tlaihhrem hmang a si i, a tuanbia a chia ngaimi a si. 2015 ah sianginn a kai liomi kum 17 nu a tlaihhrem i a thah beh. A hnuah Khrihfami cauk zuarnak dawr ah a kal than i, cauk zuartu nu zong a tlaihhrem than. 'A tlaihhrem cuahmah lio cun 'khawika dah Jesuh cu a kun?' tiah a hal chih.
Melbourne in nitlak peng lei i khua pakhat ah Price cu Khrihfami cauk dawr ah a leng. Bible nan zuar maw tiah dawr hngaktu nu cu a hal. Nu nih cun Bible umnak lei a sawhpiak. Price cu a va kal i a zoh. A rak kir than i, Pathian a um ko timi scientific tehte an langhternak cauk na ka hmuhsak kho hnga maw tiah a hal than.
Zeihmanh a ruah awk a thei lomi nu nih cun dawr chunglei ah a kal pi i, cauk cu a kawl pi. Kutkhar lei cun an i hlat i an lang ti lo. Price nih caan tha lak in a tengh colh i a ai pah cuahmah bu cun a tlaihhrem. 'Khawika dah Jesuh cu a um kun?' tiah a tuah pah cuahmah bu cun a hal pah chih.
A hnuah police nih an tlaih i a chimmi cu 'ka tlaihhrem ah hin aa seng tuknak ah a thahri tiang in an chuak dih. A duh lo tuk i a zawng zong aa thleng dih cikcek. Ka tuah le tuah lo hmanh ka thei lo' tiah a ti. Biaceihnak zung ah nu nih a chimmi cu 'a ka tlaihhremmi nih ka nunnak zungzal in a hrawh i a thlen' a ti.
A pasal ngeihmi tiang in a hninhpiak dih. Zaangfak ngaingai a si. Police lei nih an chimmi cu 'Price hi tlaihhrem hmang taktak a si. Kum 18 a si i a sual cang. Mi dang a tlaihhremmi hi fa pahnih a ngei cangmi a si i, pakhat cu kum 13 lawng a si an ti. Nu tukvelh zong a hmang i nu pasarih a velh cang hna an ti. Ref: TCP.