All Burma Students’ Democratic Front (ABSDF) chungtel U Min Htay cu 2008 ah Rambo IV film ah a rak i tel ruangah phung a buar tiah sual an phawt pinah ralkap thang na chiat an ti i, atu hi thong ah an thlak. A kong an ceih cuahmah lio a si.
Ni kum December 29 ah an rak tlaih. Kachin Independence Army (KIA) he zong naa pehtlai an ti. Nithumni kha Momauk khua biaceihnak zung ah an chuah pi i ralbawi Nay Lin Htike nih a chimmi cu 'Rambo IV naa zeihnak i ralkap bawi na tuan i ralkap sual tuk bantukin naa cantermi nih ralkap thang na chiatter tuk a ti.
Rambo IV video ah hin ralkap sual ning le thatlo ning hmuh dih khawh an si. Karen khua mi an hrem ning hna le an thah ning hna hrimhrim cu tih a nung kho tuk. Mah film i ralbawh aa cantermi kha U Min Htay a si.
US in missionaries a rak tlung i ralkap nih an tlaih hna. Rambo le US ralkap nih a khamh hna. Kawl ralkap nih an huat tukmi film a si. Kawlram ah piah zong an rak onh lo. Rambo nih ralkap a thah hna ning zong a hrang kho tuk ve. Bhamo thonginn ah U Min Htay cu a um lio a si. April 5 ah biaceihnak zung ah a chuak than lai.
January 24 ah Gen. Min Aung Hliang nih a chimmi cu 'chuah ding in timhnak kan ngei rih lo. Upadi ning in taza kan cuai lai tiah NCA min a thumi upa hna he biaruahnak an ngeih lioah a chim. U Min Htay hi 2011 ah chuahmi 'The Lady" film zong a langmi a si. Ref: Irrawaddy news.