Chandaih cawnpiaktu hna le an chandaihnak hna cu Ukraine mipi a thongthong hmaiah Sarkat (Circus) piah ding in timhnak an ngei. Piah ding an vun i timh cuahmah lio le an vun cawn cuahmah lioah chandaih pakhat cu a thinhung i a cawnpiaktu a zawn hnawh.
Chandaih ngeitu Oleksiy Pinko cu seh an timh i minung pakhat nih fung in a rak bawmh len. A lenglei in ti in an rak kah chih hna. A zohtu mipi zong an lau tuk i a rak ai len hna.
Asinain ngol an i tim lo. Chandaih pasarih an si i, pahnih hi a hrang cem an si. A dang panga cu dai tein an umternak hmun ah an um dih hna. Pahnih belte cu an rawl hlah maw a tam ti awk in a cawnpiaktu hna cu seh an timh peng hna.
Fung sau piin an sawh hna i an con deuh, asinain an rak zawn hnawh than lengmang. A donghnak an chanh khawh hna i, minung pakhat cu sizung ah a phan. A sarkat piah timh zong hlawhtling loin an ngol than.
Saram he lentecelh cu mei deh bantuk a si
Cheukhat nih cun fak ngaiin an soisel lehlam hna. 'Minung pakhat nih a tialmi cu 'Chandaih nan ti tha tuk, a hrutmi minung an si' a ti. 'Chandaih, i zuam chin lengmang ko u' tiah minung pakhat nih cun a tial ve.
Hi tluk tiang saram a cawnpiak khotu cu upat tlak an si nain an nunnak caah zeitluk in dah a tihnun ve timi hi an philh lo ding a si. Ref: The sun.