Paul Burrell nih Princess Diania tuanbia a vun thar chuah than. Ka mang ah kan i tong lengmang; bia zong a ka ruah peng ko rih tiah a phuan. Princess Diana he an i pektlaihnak kong a phuanmi nih mipi khuaruahhar in a tuah hna. Ka ih paoh ah hin Diana nih a ka len lengmang rih a ti.
Paul Burrell hi Diana a nun lioah siangpahrang inn ah ti le rawl kong tuanvo ngeitu a si. Paul nih a chimmi cu 'zan fatin ti awk in ka mang ah a ka leng. A ruah awk zong ka thei lo. A cang taktakmi a si. Ka mang hi ka kham kho hrim lo. Ka ih caan ah hin ka mang ah ra ti hlah ka ti tawn, asinain a ra thiam lengmang ko.
Mang ka manh naak hi Siangpahrang inn i a khaan riatnak le a khaan kuanak ah a si. 1997 i a thih hlanah a rak um tawnnak a si. A caan ahcun ka mang hi an hmaan tawn. Ka mang ahcun kan i capo, kan ni, kan i nuam; a caan ahcun a inn khaan chungah kan um ti i bia zaza kan i ruah ti; ka thi lo timi hi zeitik ah dah na chimh te hna lai tbk hna a ka ti tawn' a ti.
'Ka nung ko rih timi zeitik ah dah vawleicung ah na phuan te lai? a ka ti. Ka lehmi cu 'ni dang ah kan chim te lai. Na nung ko ri timi thawngpang theih ding in an i tim rih lo. Kan hngah rih a hau' ka ti a ti. 'Kan um ti caan i a nih ah hin a nun lio bantukin ka theih tiah a chim. A chim thanmi cu 'ka mang sullam a theimi pakhatkhat cu a um ko lai' tiah a chim. Ref: Express.