Sweden cu refugee le mipem nih hell ah an ser cang. Iraq ah caan sau pi chung media rian a tuanmi pakhat nih a chimmi cu ka khua Stockholm naak in ISIS umnak Iraq a nuam i a him deuh cang. Ka khua cu buainak a zelh in a zelh cang. Kan thin lawng kan i domh ko cang tiah a chim.
Refugee le mipem zawtnak nih a tlunh cangmi Sweden hi a him lo ngai cang. Tuan deuh ah police upa pakhat nih thinhung ngaiin a chimmi cu 'kan ram chungah hmun zeimawzat cu kal ngam lo ding in an um cang. Misual le mifir nih a kan pawnchuah cang' tiah a rak chim.
President Trump zong nih tahchunnak in a rak lak hna i, Swedish political lei upa nih a vun phomh len. Atu cun buainak in an khat ve cang. Magda Gad nih 'ka ram naak in Iraq a nuam i a him deuh cang' a timi nih fak piin biaalnak a chuahter. Gad hi Mosul ah news a lami a si.
A chimmi cu 'zei tik zarh paoh ah kan him ti lo. Iraq hmanh ah kan him deuh cang. Iraq naak in a let in a zual cang. Kan cozah zong thise tangak an lu an nok lengmang i, mipem kongah zeihmanh an tuah kho lo. Iraq ah cun nu lawng in kan vak kho i, ka khua Stockolm hmanh ah ka vak ngam ti lo' a ti.
Tukvelh zong a tam cang; tlaihrem zong a tam cang. Inn khangh le motor khangh zong a tam cang. Cozah nih tlangtlak dingmi rian an tam tuk cang. Tlaihhrem hrimhrim zong 2016 in cun a tam cang tiah Swedish National Council for Crime Prevention nih a report. Ref: The Express.