US le an hawi Syrian raltho pawl nih ISIS an phomh thluahmah cang hna. ISIS nih kan khualipi tiah an auhmi Raqqa pawng tiang an phan cang. Raqqa Airport hmun zong an chuh khawh cang hna. ISIS kan teinak hna ding ah kan hlawhtlinnak nganpi pakhat a si tiah an ti.
US dirkamhmi Syrian Democratic Forces leiin biachmtu Talal Sello nih a chimmi cu 'ISIS kut in Tabqa Airport kan chuh cang hna' a ti. Kurdish raltho pawl zong hmailei ah an rak fong chin lengmang cang hna. Raqqa khualipi kan phan deng cang an ti. ISIS zong tam ngai kan thah hna tiah a chim, asinain minugn zat a chim lo.
Asinain human rights groups pawl cu an lungrethei ngai. Raqqa khuapi hrawnghrang ah a ummi mipi caah himnak a tlawm ko an ti. UK-based Syrian Observatory for Human Rights lei nih an chimmi cu zahan zarh ah US le an hawile nih raltuknak vanlawng in an kahnak ah mipi 89 leng an thi tiah an chim.
Kan hnu zarh ah khan US le an hawile nih Syrian raltho le an hawile dangdang ke ralkap pawl hna cu vanlawng in an ISIS hmunkhur pawng ah an va chiah hna. Mah hnu cun Tabqa Airport an chuh khawhnak hna a si. 2014 ah Tabqa airport hi ISIS nih an rak chuh hna. ISIS nih an rak lak lioah Syrian ralkap zong tam tuk an rak thah hna i, mipi zong tam tuk an rak thah hna.
ISIS khuapi Raqqa Dam
Atu cun an chuh than cang hna caah US le an hawile pawl hna caah cun hlawhtlinnak taktak a si. Asinain atu lioah an thinphan pi ngaimi cu Raqqa dam (tidil) hi a si. ISIS nih cun US le an hawilei nih an kah lengmang an ti. Asinain US lei nih cun kan kap lo. Syrian mipi lei nih an i tohmi a si caah kan himter hrimhrim a hau an ti.
A cimh lai dingmi an tih ngaingai. A cimh ahcun 1.47 Iraq mipi caah a tihnung. Tigris tiva hrawngah a ummi vialte caah cun a tihnung ngai ti a si. Atu tiang ah cun amah ning tein a um peng ko tiah US lei nih cun an chim. Ref: BBC.