U.S. District Judge William Conley nih President Trump Refugee le Muslim khamnak min a thutmi cu Syrian nu le a fanu zawnruah ah a phihpiak chung than. Syrian nu-fa cu Syrian ralram ah an um lio a si, asinain an pa cu US State Wisconsin ah dornak (asylum) pek a si cang.
President Trump minthut a kham chung thanmi U.S. District Judge William Conley hi Wisconsin state ummi a si. Trump minthut hi March 16 in a nung cang ding a si i, a khampiak chung lo ahcun Syrian nu-fa a ra kho ding an si lo. Cucaah nufa hna zawnruah ah caan karlak chung a onpiak chung hna.
Syrian nu cu Jordan i US embassy ah visa interview a tuah ding a si. March 16 hlanah a ra manh ding an si ti lo caah Trump minthutmi cu nufa hna caah a khampiak chungmi hna a si. Chungkhar an i tonnak ding caah ruahchannak a um ko tiah U.S. District Judge William Conley nih a chim.
Trump minthut a kham chungmi cu nufa hna ca lawng ah a si lai. A rauh hlanah an pa umnak Wisconsin State ah an rak phan lai tiah zumh a si. Nufa ca lawng i Trump minthut pahpiak i an lam onpiak hna cu thledannak langhter zong a si. Syria ah an um peng ah cun an nunnak caah tihnung si tiah a chim chih. Ref: VOA News.