Ni kum in an i ngiar cang i, a tu cun an vun fianter ngai cang. Floyd Mayweather le Conor McGregor cu Las Vegas ah thongh ding in June thla chungah timhnak an ngei cang, asinain minthutnak belte an tuah kho rih lo.
A i thonghnak ding hi Sin Khua T-Mobile hmun ah a si lai. Minung 20,000 hranwng minung tlum a si lai tiah report nih a tial. Floyd Mayweather nih cun 'atu tiang ahcun minthutnak kan tuah rih lo, asinain June thla chungah thonghnak a um cang lai tiah ka zumh' a ti.
UFC President Dana White zong nih tu zarh chungah a chimmi cu 'cabuai cungah tangka tamtuk a um cang. Thonghnak umter lo ding cun a si kho ti lo' a ti. Michael Bisping zong nih 'an tei bal rih lomi (49-0) American pa nih boxing tongh aa dinhnak in a rak chuah a hau cang. Tangka a dong chin lengmang cang' a ti ve.
Floyd Mayweather cu Europe ram in nichuah lei ram a tlawn lio a si. Atu hi Russia ah a um lio a si. 'Russia khuapi Moscow ah ka hawile zeimawzat an um hna. Mah ruangah ka rak ratnak a si' tiah a chim. 'Hika le US i training kan kainak ah kan hmanmi technology an i dannak tlawmpal a um' tiah a chim chih.
A chim thanmi cu 'US he training kan kai ning aa lo dih lai ti cu ka ruat lo. Hmailei ah kan ra than lai i, training cawnpiaktu thami kan rak i rat pi cang hna lai. Chechen khuami zong boxing leiah nan level a san khawh chin lengmang nak ding in kan in bawmh hna lai' tiah a kamh hna. Ref: The sun.