President Trump nih ISIS hlohnak caah kan ke ralkap ka hmang chih hna lai maw hmang chih hna lai lo timi a ruah cuahmah lio a si. Official lei nih an chimmi cu Kuwait ah ralkap 1000 thlah ding in a ruah cuahmah lio a si. ISIS hlohnak caah a rang bik a si lai tiah kan zumh an ti.
Atu tiang ISIS an dohnak ah US nih a ke ralkap a hmang rih hna lo. Raltuknak vanlawng a hman peng. A ke ralkap cu Iraq le Syria tbk ah a thlah ko hna nain ruahnak petu le training petu ding ah an um hna, asinain Trump nih ISIS doh ding in a ke ralkap a thlah hna ahcun ISIS caah a tihnung ngai a si cang lai tiah expert lei an chim.
A min langhter loin Reuters ah US official pakhat nih a chimmi cu 'Trump timhnak hi ISIS dohnak caah lam pakhat kan ngeihmi a si. Kuwait ah US nih a ralkap a chiah hna, asinain tutan timhnak a ngeihmi cu a dang a si. Syria zong ah kan ralkap zeimawzat cu an lut cang tiah a chim. Trump nih US ralkap Inn a len hnuah timhnak an ngeihmi a si.
Fak chin lengmang in ISIS kan doh hna lai. President thing Obama chan he cun aa dang cang lai a ti hna. US Defence Secretary Mattis nih a chimmi cu 'US ralkap cu raltuk nih a kan simh kho lo. Raltuknak ding lam fiang tein kan ser hnu cun kan ralkap thazaang a thawng chin lengmang. Raltuk ding in thazaang tling a ngeihmi kan si' a ti. Ref: The Express.