Pasal ngei thar te sianginn cachimtu Sayamah Amanda Schweitzer, 37 nih a inn ah a sianghngakchia pa kum 13 minung cu aa tin pi i, a tlaihhrem. A inn ah aa rat pi i a tlaihhrem lawng si loin a taklawng hmanthlak zong sianghngakchia dangdang sinah a kuat hna.
Police lei nih an chimmi cu 'Amanda Schweitzer nih a ihnak khaan chungah aa luh pi an i phoih dih hnuah an tuah' an ti. An tuah hi March 29 ah a si i, pasal a ngeihnak hi kum khat le thla nga lawng a si rih. An umnak hi Missouri i Joplin ah a si tiah baiceihnak zung i police hlathlainak ca nih a tial.
Sianginn ca a chimhnak hi North Middle School ah a si. 2010 in a rak tuan cang. Amanda Schweitzer hi fa pa hnih a ngei cang an ti. Nu thlawi dirhmun in a dir cangmi a si. Asinain pasal thar a ngei kaa a si.
Police nih a kong an hlat cuahmah lio a si i, a tlaihhremmi sianghngakchia pa le a chung zong chonhter an duh rih hna lo. Sayamah pakhat dirhmun in hi bantuk thil a tuahmi nih sianginn min zong a chiatter i, sianghngakchia ziaza zong a hrawh ngaingai tiah sianginn lei upa cu an lungtling lo ngai. Ref: The sun.