Daily Mail hi a hmaan lo ning in news tial a hmang pahmi an si i, tazacuai a tong ngaimi zong an si. Media thawng taktak le a rum taktakmi zong an si ve. US First Lady Melania Trump kong hmaan loin an rak tial than i, ni kum September ah khan taza an rak cuai hna.
Caan zeimawzat chung an rauh hnu le taza an i cuai hnuah Dail Mail an sung i First Lady Trump cu ngaihthiam zong an hal i, $2.9 million liam ding in hnatlaknak nithumni ah an tuah cang. Daily Mail media nih an chimmi cu 'Mrs. Trump kong kan rak tialmi a hmaan lo. Kan tialmi kan let than.
Kan ca chuahmi nih lungfahnak le sunghnak a chuahtermi vialte cungah ngaihthiam zong kan hal' tiah an ti. Mrs Trump aiawhtu leiin zeihmanh hmurka a chuak rih lo. Daily Mail hi Britian ah chuahmi a si i, US zong ah an chuah. An min cu a thang ngaingai.
Business thawng takak zong an si. Harry Potter tialtu J.K. Rowling le Musician Elton John kong zong hmaan loin an rak tial i tazacuai an rak tong. Britian ahcun media zalonnak hi ri ngei lo bantuk a si. Midang kong zong a thatnak in a chiatnak tiang an tial kho.
Upadi nih a onh hna. Hi bantuk media zalon tuknak hi President Trump zong nih a doh ngaimi a si. Media nih a hmaan lomi news tial hi an thinh awk a si. Kan upadi zong kan rengh a hau tiah campaign a tuah lioah a rak chim lenmi a si. Ref: CNN News.