An sik i an cak lengmang bu cun chimh a ngai lo i nirukni zing ah North Korea nih missile a hneksak than. Yonhap news agency nih tialmi cu nirukni zingka ah North Korea ralkap nih missile an khneksak than' tiah a ti.
President Trump sinah an chimh ning ahcun North Korea nih missile a thlah than i minute pakhat -hnih hrawngah a puak colh' an ti. 'Kan hlat lengmang tikah ICBM naak in a thazaang a tlawm deuhmi missile a si lai tiah kan zumh' tiah an chim chih.
Rel chih ding: US sungthoh Nih North Korea Missile An Phomh
Tuan deuh ah a hneksakmi a tlolh cang. US sungthoh nih internet (cyber) thiamnak in an missile an luh hnawh i an hrawhpiak hna caah a si an ti. Tutan zong hi American sungthoh riantuannak a si ko lai tiah an zumh.
North Korea missile hneksakmi nih American harnak a kan pe kho lai lo. American caah tih ding a um lo a ti. Tuan deuh ah khan North Korea vice foreign minister pakhat nih 'zarh khat voikhat zong in a herh ahcun missile kan hneksak cang lai' a rak ti.
An chim bantukin an tuah ko tiah an hmuh hna. President Trump nih a chimmi cu 'North Korea he buainak hi a biapi chin lengmang. Missile a hneksakmi a ngol duh lo ahcun a buai ngai te ko lai' tiah a chim. Naite ah US le an hawile ralkap eksaisai an ngei i, North Korea nih a tuah colh ve. Ref: The sun.