President Trump nih Syria Airbase a kah khawh cangka in North Korea leiah a raltuknak tilawng Carl Vinson a rak thlah colh. 'Kan ram caah hrocernak le thinphang a si tiah North Korea nih an ruah ahcun an phomh te hna lai' tiah Russia nih ralrinnak an pek colh hna.
Russia hlutdaw ah Defence le Security committee chairman Senator Viktor Ozerov nih a chimmi cu 'US nih a raltuknak tilawng a rak thlahmi hi North Korea nih hrocernak in a ruah sual ahcun a nuclear in a lehrul te hna lai. Trump nih Syria a kah cang caah North Korea kah than zong a fawi cang' a ti.
A chim rihmi cu 'Washington nih Syria naak in North Korea cawlcangh le hriamnam ser hi tihnung deuh ah a ruah rihmi a si. A raltuknak tilawng a thlahmi hi North Korea hrocernak a si ko. Dong loin nuclear hriamnam a ser caah an hrocernak a si cang' a ti.
Zahan zarh nithumni ah ah US nih ralrinnak a pek lengmang buin Japan leiah North Korea nih a missile a hneksak than. Ni kum lawng hmanh ah voihnih bakte nuclear hneksaknak a tuah. UN nih dan an tatmi zogn zeihmanh a relpiak hna lo. Syria an kahmi zong North Korea nih fak ngaiin an rak hro than hna.
'Hramhram in mi ramdang namneh a si. Ngaihthiam awk a tha lomi tuahsernak a si. Nawlngeihnak cu nawlngeihnak in kan dironh awk a si. Nuclear thazaang kan pek lengmangmi hi a hmaanmi biachahnak kan tuahmi a si. US cawlcanghnak nih fiang tein a langhter' an ti. Ref: The sun.