Tu kum hramthok ah khan American misual phu nih New York i Long Island ah tlangval no minung pali an thah. Zoh dawh lo tuk le tihnung taktak in an thah hna i an tuahto hna. American media vialte linsa dih in an tuah hna. Amah hi MS-13 tiah an auh hna.
Anmah phu hi Amerca in Canada in Mexico in hmun dangdang tiang ah sualnak a ser i tihnung bu an si. African-American le Mexican misual pawl nih Salvdoran mipem pawl an velh lengmangmi hna runveng ding in a thomi an si. US ah 6,000 in 10,000 karlak an um tiah FBI nih a chim.
Nai hrawnghrang cun US le Mexico hrawnghrang ah an sual chin lengmang cang. Drug an ei, minung an fir, minung an that i mi hramh hmang i tih an nung cang. An sual ning hi khuaruahhar tuk an si. Hmun kip pehtlaihnak network tha tuk an ngei.
Ralkap bu bantukin an um i an bu ser ning zong a thawng ngai tiah FBI upa nih an chim. New York Post ah minung pakhat a min langhter a duh lomi nih a chimmi cu 'a pa nih a kan bawmh duh lo ahcun a fanu nih a tuar lai.
Keimah nih cun ka tlaihhrem bal hna lo, asinain a dang nih cun an tlaihhrem lengmang hna' a ti. 'Minung pakhat nih a hmuhmi nu kha a duh ahcun an tlaihhren lai. Mah hnu cun a thilri bantukin a ser cang lai. MS-13 cu virus bantuk an si. Khawika in dah an rat timi na zoh lai i na theih hnuah na thah a hau' tiah a chim chih.
Los Angeles in aa semmi an si. North Korea ah cun an tam tuk cang. Atu hi an hrang chin lengmang cang tiah theih a si i, American security nih an hlat cuahmahmi hna an si. Ref: The Daily Mail.