Zumhnak pialsual hna thah le nawn hi kan duhmi le kan rian a si. A hleiin nitlak ram kip ah a mi kip in rak that hna u law an thisen rak luanter hna u tiah ISIS nih ram kip um an hawile an auh than hna. Muslim puai 'Ramadan' thla thiang kan phan cang.
Hngakchia, upa, nu le tar tiang in nan thah khawhmi hna paoh rak that dih hna u tiah an au thluahmah cang. Thazing in Muslim puai Ramadan aa thok cang lai. Zingka tein zanlei nitlak tiang an thlacam ni le caan a si. Muslim caah rawlulh thlacam caan zong a si i, an thla thiang bik a si.
Video in ISIS nih an chim i The Telegraph nih a report mi cu 'Europe le Nitlak ram ah a ummi kan unau hna, Ramadan thla thiang ah nan ram ah nan rak kir khawh lo hmanh ah nan umnak kip ah zumhnak pialsual nan ral kha rak that hna' an ti hna.
An chim thanmi cu 'an inn chungah that hna u, market kip ah that hna u, lam ton kip ah that hna u, an i pumhnak kip ah thatnak hna u' tiah an forhfial hna. Vawleicung ram kip um Muslim cu an thla thiang Ramadan hman ding in timhnak an ngeih lio pi a si.
Manchester ah kan thahmi hna kha rak zuamhteih hrimhrim hlah u. Sualnak ngei lo nu le hngakchia tiang in nan rak thahmi hna kha kan rak duh tukmi le kan rak i uanthlaar pi tukmi hna an si. Cucaah Ramadan thla thiang ah hin rak chuak u law rak that hna u.
Nan laksawng rak cohlaang u. Nan nun rak i thap u' tiah Video in an chim chih. Manchester bompuahnak a siah Egyptian Khrihfami hna an siah kanmah nih kan thahmi hna an si ko tiah ISIS nih an phuan. Ref: The sun.