Hollywood ah minthang nu-va Brad Pitt le Angelina Jolie nih 2016 ah thennak ca an rak tial. An chungkhar kong a theimi pakhat nih US Magazine ah a chimmi cu 'thennak tiang an phaknak aa thoknak cu vanlawng an i citnak in a si' tiah a chim.
Vanlawng chungah zu a ri tuk i, an fapa Maddox ningcang lo deuh in a tuah a ti, asinain zeitin dah a tuahto ning a si timi a chim lo. Vanlawng hi suimilam 12 chung an i cit. Jolie nih Brat Pitt cu a zurit damter ding in aa zuam len ko nain san a tlai lo.
An tum in Angelina nih amah le a fale caah motor a hlan i an kal; Brad Pitt zong lungfim huaha loin motor aa hlan ve i a kal ve tiah a chim. A chim thanmi cu 'vanlawng cungah harnak an ton hlan hrimhrim in Jolie nih then ding a timh cang. Zu a ding tuk tiah a chim chih.
Naite ah GQ nih Brad Pitt zong bia an hal i a konglam a phuan cang. Kan i then hnu cun zu ka ding ti lo a ti. Brad Pitt zong aa ngai chih i, 'atu cun nung nain thih bantuk ka si cang' tiah a chim.
An um ti taktak cu 2005 in a si cang nain an i um taktak cu August 23, 2014 ah a si. Fale paruk an ngei i pathum hi an i cawmmi hna an si. An i then hnuah an fale nih an nu sin um an duh lo. An fapa Pax le fanu Shiloh nih cun an pa sin um an duh deuh. Asinain fale zohkhanh ding in Pitt nih aa zuam tuk lo an ti. Ref: The sun.