A kuan fang a thlah i second pathum a rauh hnuah ISIS cu teng lak in a phomh. Dap hlup aa teng colh. Mosul i ISIS an dohnak ah sniper meithal hi a biapi tuk. Snipter meithal cio hmanh ah lamhla a kap khomi le a dingmi a herh khun. British pa an uar tuk.
ISIS dohnak a linsat lio pi a si. Sniper meithal in an i phomh lengmang. Minung pakhat thah hi a fawi ti lo. An i ralrin tuk cang. Asinain British ralkap SAS pa nih a hmanmi sniper cu uar a um kho tuk. Meng khat le a cheu hla ah a ummi ISIS pawl a kah hna i a thluk thluahmah hna.
A kuan fang a thlah i a va khen hna ah hin second pathum hrawng lengmang an rau. A hmanmi sniper hi CheyTac M200 a si i, a ding kho taktakmi a si. Vawleicung ah a hal bik a kap khomi sniper pakhat a si. US special ralkap hmanmi a si i, ISIS dohnak ah an hmantermi a si.
ISIS lei nih an hmanmi hi Russian Dragunov sniper an si i Iraq ralkap tam lak te an thah ve cang hna. ISIS pa nih a rak lengmang hna i khawika dah a um timi an thei kho lo. A vun kah hna i suimilam cheu hrawng aa daih hnuah a vun kah than lengmang hna.
Bristish SAS sniper nih a zoh lengmang. A donghnak ah ISIS pa nih a meithal a vun cawi i a hmuh. A zoh a zoh hnuah a kuan a thlah i teng lak a kah khawh. Iraq ralkap nih an chuah hnawh ngam lomi ISIS cu a thah khawh. A kahnak a hlat tuk caah second pathum a rau. ISIS thazaang a derter ngai cang lai an ti. Ref: The Express.