ISIS nih Philippine khua pakhat Marawi i Khrihfami pumhnak biakinn pakhat an tlaih. Khrihfami hna zong tam ngai an tlaih chih hna. An tlangbawi zong aa tel. Biakinn ah an hren hna. Police bawi pakhat zong an tlaih i a hngawng an tan. Cozah ralkap he zong in fak ngaiin an i kap.
ISIS nih an chimhmi hna cu cozah ralkap nih a kan kah ahcun kan hrenmi minung zong kan thah dih hna lai tiah an hrocer hna. An tlaihmi hna cu an phaw ah hman an timh hna. Catholic Bishops Conference President Socrates Villegas nih ramchung security zong thawnter ding in cozah sinah a hal hna.
ISIS nih an tlaihmi khua Mindano cu ralkap kut (state of emergency le) tangah kan chiah cang tiah Philippines president Rodrigo Duterte nih a chim. A chim thanmi cu police bawi pakaht zong a hngawng an tan tiah a chim chih. Million 22 umnak khua cu ralkap kut tangah kum khat chung zong a um kho cang tiah a chim.
Kum khat a rauh si le rau te ko seh. Thla khat a rauh si le kan i lawm ko lai. Ka ram mipi hna nan thinphang hlah u. Ka rak kir lai tiah a rak chimh hna. Atu hi Russia ah a um lio a si. 'Ka rak kir cangka in ka phomh colh hna lai a ti.
An tlaihmi khua pakhat ah an aalaan zong ISIS an tlai cang. Nizan tihni kha cu ISIS raltho pawl le cozah ralkap zong fak ngaiin an i kap. Inn zong tam ngai an khangh. Maute raltho pawl le cozah ralkap an kahnak ah minung 12 an thi. Maute raltho pawl hi 2015 ah ISIS tanh ding in aa pumpemi an si. Ref: The sun.