Muidawh tawk tha Kim Kardashian cu liangbah-angki nak aa hruk i a tungtai dawh thlakthlak he LA ah a rak lang than. Paris i mifir nih an hramh hnuah a tu hi a voikhat ah TV ah a langh a si. Kim Kardashian a uarmi nih cun 'social media ah a langh pah lo cun a king tukmi a lo' an ti.
Nai hrawnghrang cu social media ah a lang lo. Tuan deuh ah khan a hmaanthlak kongah an rak buai i a uartu (fans) tam tuk nih an rak chuah tak manh ti a si. Mah hnu cun a lang ti lo. Atu hi a voikhatnak mipi hmaiah a langh than a si.
Kum 36 a si cang nain a tungtai le muisam dawh cu a tlau in a tlau kho rih lo. Atu hi a nu nau ka pawipiak lai a ti i, a nu nih cohlan dawh a si. Kim Kardashian nih a pathumnak fa na ka pawipial lai tiah a nu Kris Jenner cu a hal. Kim hi fa pahnih a ngei cang: fanu North le fapa Saint an si.
Kim hi nau a ngeih than ahcun thisen tam tuk chuah in a thi khomi a si cang. Nau ngei ngam ding a si ti lo. A nu kum 61 a si cangmi Kris cu 'nau ka ngeihpiak kho lai maw?' tiah a hal. Kris nih a lehmi cu kan pawipiak khawh ko ahcun tlamtling tein a chuak ko lai. Asinain belte in a tihnung ngai cang lai' a ti.
A u Kourtney nih cun 'keimah nih ka pawipiak lai. Nangmah lawng kan in ngeihmi nu pakhat bantuk lawng in i umter hlah. Keimah nih ngeihpiak ding in kaa pe cang' tiah a chimh. Naupawipiak timi hi an ci kha lak i nu dang sinah chiah i keuhter kha a si. Kim nih a pathumnak fa ngeih than aa tim. Ref: The sun.