Kawlram ah ramkhel riantuannak hnahnawhnak pek duh lo buainak ser duh ruangah thawngpang deu a chuak. Global New Light of Myanmar nih ningani ah a tialmi cu 'President Htin Kyaw aa din cang lai i Suu Kyi nih kan ram a hruai cang lai tiah news hmaan lo nih an tial' a ti.
Kawlram ah media le internet zalonnak kan ngeih cuahmah lioah hi bantukin social media le network hna hmang in thawngpang deu thlah an hmanmi cu a poi ngai tiah police lei upa pakhat nih a chim. Ahodah an si kan hlat cuahmah lio a si tiah a chim chih.
Suu Kyi office biachimtu nih an chimmi cu thawngpang deu a thlahtu nih min deuh in facebook account an i ser hna tiah Global New Light of Myanmar ah a chim. A chim thanmi cu 'Suu Kyi cozah buainak pek duh le buaiter duh ah thawngpang deuh an sermi a si' a ti.
Kan mipi lakah thinphannak le launak chuahter an duh ruangah hi bantukin thawngpang deu hi an sernak a si a ti. Police leiin Colonel Myo Thu Soe nih Reuters ah a chimmi cu 'ahodah an si timi kan hlat cuahmah lio hna an si. Biaceihnak zung ah kan chuah pi hna lai' a ti. Ref: Reuters News.