Russia nih missile thar a ser thanmi cu 2018 ah a lim cang lai. A mindin ah 'Satan Missile' a ti. Atu lio Russia nih a ngeihmi missile dang hna naak in a let hnih in zaang deuh. A kal zong a rang i, a hmuitinh zong a ding deuh. Meng 11,000 tiang a zuang khomi a si an ti.
US ramchung kip a kah khawh cang i Korea hrawng tiang in a kah cang. A hmual thawn ah hin France ram hi cu fawi tuk in a hrawh khawh dih lai tiah an zumh. A min ah RS-28 Sarmat an ti i, a mindin ah 'Satan' tiah an auh. US nih South Korea ah a chiahmi THAAD missile naak in a tha deu lai an ti.
Russian ralkap bawi Alexei Leonkov nih cun 'Putin ral poah nih cun an tih ding a si ko cang. Khuaruahhar a si' tiah a chim. Bia an halmi i a lehmi hna cu 'Nuclear hell' ti zong in an auh timi a hmaan maw?' an ti i, a lehmi hna cu 'an duh ning paoh in au ko hna seh' a ti.
'A thilri le sining hi an tha tuk i kan ral nih an tih ding hrimhrim a si ko. Meng 11,000 tiang a kal kho i, an ran zong a rang taktakmi a si caah atu lio missile runvennak an ngeihmi system pawl hna nih cun an tlai kho lai lo. THAAD zong nih a tlai kho lai lo tiah a chim chih.
US caah zuamcawhtu ngai a si lai an ti. US nih Syria Airbase a kah hnuah Russia nih US a vun hrocernak pakhat a si. Russia le NATO karlak dohdalnak zong a linsa lengmang. 'Satan missile' nih tampi bia a chimh hna lai an ti. Ref: The Express.
Remhnak: 111,000 si loin 11,000 tu a si lai. Kan remh cang.
Remhnak: 111,000 si loin 11,000 tu a si lai. Kan remh cang.