US nih a phunphun in kham aa zuam ko nain North Korea nih a nuclear program hi donghter hlei a tim lo. Hi tluk in an linhsat tuk lioah North Korea nih a voiruknak nuclear hneksak than ding aa tim cuahmah ko tiah thil sining thei nih an chim.
'US nih North Korea a kan huatnak hi a donghter lo i a kan namneh lengmang peng ko ahcun million leng in American mipi an thi te lai tiah an media nih a tial than. US zong nih a chim pengmi cu 'North Korea hi nuclear ram a si lonak ding ahcun zei bantuk lam paoh kan zulh tiah an i tlaih peng ve.
Institute of Microelectronics of Chinese Academy of Science ah professor zong a si i, Doctorate Supervisor zong a simi Liu Ming nih a chimmi cu 'minung pakhat uknak lawng in a kalmi North Korea nih a nuclear a hneksak deng cang lai a ti. 'Tu thla chungah hin a hneksak cang ko lai ti kan zumh' tiah a chim chih.
April thla chungah North Korea nih missle a hneksak len hna i an tlolh dih. Nuclear hneksaknak cu a tuah hna lo. May thla chungah a hneksak men te lai. 'May thla chungah cun an hneksak hrim ko lai timi zumhnak ka ngei ngai' tiah a chim than. Nuclear cu a ngei ko cang nain US a kap khomi a ngei rih hna lo.
US phomh ding hi North Korea caah hathithak ngai a si cang. American sungthoh CIA zong North Korea missile le nuclear kong hlaihlai chin lengmang ding in 'North Korea Mission Center' zong an dirh cang. Zungzal ca tiang in zeitin dah North Korea nuclear buainak hi kan donghter lai tiah timhnak an ngei cang. Ref: The sun.