North Korea nih South Korea ramri leiah ballon a runrun in an thlah hna. Khuacaan a chiat lio a si caah zeidah an si an thei hna lo. South Korean ralkap nih ralrin peknak caah tiin meithal zong an puah hnawh len hna. Cikhat cu mipi zong an lau ngai.
A hmasa ahcun hlathlainak caah North Korea nih drone an rak thlahmi hna an si tiah an ruah. Asinain a hnuah ballon an si timi an theih than. Ballon lawng si loin catlap zong an tem chih hna. A tlawm leiah ballon pahra hrawng an si lai an ti.
South Korea defence ministry leiin an chimmi cu 'North Korea nih an kan tuaitamnak an si' tiah a chim. Missile an hneksak hnuah atu bantukin South Korea ramri leiah ballon an rak thlahnak hna a si. South Korean ralkap nih cun 'zeidah an si hnga' tiah a lauter ngai hna.
A hnu ahcun North Korea nih a kan tuaitamnak a si an ti. North Korea hi a lungkhong taktak. UN nih missile hneksak ti lo ding in a kham lengmang nain a ngai hlei lo; US nih a phunphun a thihpheih i a hrocer lengmang ko nain a zual chin lengmang.
President Trump nih cun 'Taluk nih a rengh khawh taktak lo ahcun kanmah nih kan phomh cang lai' a ti. North Korea missile le nuclear program hi zungzal in US caah ral zong a si i, thinphan zong a si. Zoh sawhsawh awk an tha lo timi fiang tein an theih caah kham ding in aa tim ko cang. Ref: The sun.