North Korea ramri ah US nih a missile a chiahmi timhcia a si cang tiah US ralkap lei upa nih an phuan cang. South Korea ah a chiahmi Terminal High Altitude Area Defence (THAAD) missile nih NorthKorea missile a tlaih khawh cang lai an ti.
North Korea nih a kan kah ahcun a kan runven khawh cang lai tiah an chim. North Korea nih an rak kah hna tikah THAAD missile nih a theih khawh i khawhka a umnak poah cu a hrawh khawh cang. THAAD missile hi system sang ngai a si. Taluk zong nih a tih bakmi a si.
President Trump lengmang nih cun a uar kho tuk. 'Khuaruahhar a si. Van i a zuangmi missile a kah hna i fawi tein a kheng hna i a hrawk khomi a si. Zeiruangah dah South Korea hi kan pek hna ti tiang a rak chim. South Korea nih tangka a kan pek ah a tha lai tiah a chim chih.
South Korea a phak kaa hrawngah khan cu kum dongh leiah a nung te lai an ti, asinain atu hi kan tuan cuahmah lio a si i, North Korea cu a kan runven khawh ko cang lai tiah South Korean defence ministry biachimtu nih a chim.
THAAD radar hi kan ram sungthohnak ah an hman sual lai tiah Taluk nih a doh taktak. Asia ram ah US thawnnak hmunhter a duh cang caah a si an ti. Asinain North Korea in kan i runvennak caah kan chiahmi a si an ti ve. South Korean mipi zong nih THAAD hi an duh lo tuk. Fak piin an duh lonak an langhter. Ref: Th express.