Ramleng a voikhatnak khualtlawm ah President Trump cu ropui taktak in Saudi Arabia hrauitu upa hna le an siangpahrang Salman nih an rak don. Ramchung ah upatnak sangbik laksawng medal zong an pek. Riyadh i Royal Court ah sunglawi taktak in conglawmhnak zong an pek.
Muslim ram a si ah vawleicung ram kip ah daihnak le himnak kawltu a si tiah upatnak an pekmi a si. Russian President Putin, Bristish Prime Minister Theresa May le Obama zong an rak pek cang hna.
First Lady Melania Trump nih a zulh i Inn Raang riantuantu upa zeimawzat zong nih an zulh. Thanglawi he dar he khuang he ropui taktak in an conglawmh hna. 'Nan kan conglawmhmi an tha tuk hringhrang' tiah Trump nih Siangpahrang Salman cu a chimh.
President Trump nih a tlawnmi hna cu zeitin dah tapung kan doh khawh chin hna lai timi kong le US le Saudia Arabia karlak ah zeitin dah hawikawm sinak kan thawnter chin lengmang lai ti hna an si. An tuanbia ah hawikawm tha lengmang an si.
Riyadh ah nihnih a cam hnuah Israel ah a tlawng than lai. Cun Vatican ah Pope zong a tlawng rih lai. Brussels ah NATO upa zong a ton than rih hna lai i, G7 meeting tiang ramleng ah a cam lai. Tutan President Trump ramleng khualtlawn cu an biapi tuk. Ref: TOI.