Kan hnu zarh nirukni ah Scottish Premiership bawlung chuihnak a um i Kilmarnock le Dundee an chuih. Lineman pakhat cu Andrew McWilliam a si. Ruah lo piin thil pakhat a cang. Corner tuah ding a si i, Jordan Jones nih chuih ding a si. Asinain lineman nih a kal tak.
Jones nih corner tuah a timh ah lineman pa cu hnulei ah aa mer riangmang i a paw aa dawmh i a luak maw a va luak zeidek thil pakhatkhat a tuah. Refereee Craig Thomson nih a zoh i a khuaruahhar tuk i a rak rat hnawh.
Craig Thomson nih a zal aa purh i a red card a chuah i a piah diam. Bawlung chuih pawl he a thongthong in lenglei in a rak zohtu mipi zong an nihchuak dih hna. Minute tlawmpal hnuah an corner tuah cu an peh than khawh.
Social media kip ah an minthang. An nihchuak i capo bantuk ah an hman hna. Lineman pa kha a paw rak that dawh a si lo. Zeiruangah dah a si timi an thei thai lo.
Minung pakhat nih a tialmi cu 'nihchuak taktak a si. Ka voikhat hmuhnak a si. Hi bantuk a um bal lo' tiah a tial. Dundee nih goal khat in an tei hna. Ref: The sun.