South Korea Liberal Democratic Party leiin Moon Jae-in nih President teinak a co cang. Kan ram mipi aiawhtu ka si lai. South Korean mipi caah President ka si lai tiah uartu le dirkamhtu mipi hmaiah a chim. Dohtu lei zong in an sunghnak an phuan cang.
President thing Park Geun-hye nih South Korea ram pi cu thla zeimawzat chung cu a buaiter hna. Eihmurnak le ziknawhnak nih a riantuannak a zelh dih caah mipi nih fak tuk in duh lonak an langhter hnuah a rian in an dinhter. Mah hnu ah President thimnak an ngei i tluang tein cho an chuak cang.
Official tein The National Election Commission nih nithumni ah President tlingmi thawngthanhnak an tuah te lai. Atu hi North Korea nuclear kongah an buai lio pi a si caah Norh Korea cungah zeidah a policy a si te lai timi an zoh ngai lio a si. North Korea a tanh ngaimi a si tiah cheukhat nih cun an chim.
Nihnihni ah a chimmi cu Taluk a siah US a siah South Korea an siah North Korea an siah biaruahnak in buainak hi kan daihter lai a ti. US he an buai dingmi cu THAAD missile chiahpiak man ah $ 1 billion an halmi han hi a si. THAAD kong thiamthiam ah Taluk he an i hmuh thiam lonak zong zoh than ding a si. Ref: VOA News.
Poll an tuahmi ah 41% nih Liberal Democratic Party Moon Jae-in an vote i 23% nih Liberty Korea Party Hong Joon-pyo an vote i, 21% nih People Party Ahn Cheol-soo an vote.
President thing Park Geun-hye nih South Korea ram pi cu thla zeimawzat chung cu a buaiter hna. Eihmurnak le ziknawhnak nih a riantuannak a zelh dih caah mipi nih fak tuk in duh lonak an langhter hnuah a rian in an dinhter. Mah hnu ah President thimnak an ngei i tluang tein cho an chuak cang.
Official tein The National Election Commission nih nithumni ah President tlingmi thawngthanhnak an tuah te lai. Atu hi North Korea nuclear kongah an buai lio pi a si caah Norh Korea cungah zeidah a policy a si te lai timi an zoh ngai lio a si. North Korea a tanh ngaimi a si tiah cheukhat nih cun an chim.
Nihnihni ah a chimmi cu Taluk a siah US a siah South Korea an siah North Korea an siah biaruahnak in buainak hi kan daihter lai a ti. US he an buai dingmi cu THAAD missile chiahpiak man ah $ 1 billion an halmi han hi a si. THAAD kong thiamthiam ah Taluk he an i hmuh thiam lonak zong zoh than ding a si. Ref: VOA News.