Nikhatni ah Turkey President Recep Tayyip Erdogan nih fak ngaiin Israel a vun phomh len hna. Muslim nih Palestinian kan dir pinak langhternak caah Jerusalem Biakinn Tlaang ah kai lengmang hna u sih tiah a forh hna. Israel zong 'thleidan' hmang an si a ti.
'Muslim nih Al-Quds (Jerusalem) hi kan tlawn lengmang ding a si. Ni fatin in Israel nih Jerusalem an uk chin lengmangmi hi cu Muslim a kan zuamhteihnak le nihsawh bantuk a si. Muslim nih Jerusalem kan tlawnmi nih kan unau Palestinian thazaang tampi a pek hna lai tiah a chim.
Kan biaknak in a siah kan tuanbia in a siah Jerusalem hi a biapi tukmi a si. Kan unau Palestinian hna nih an doh lengmangmi dinnak le covo hi kan philh lo ding a si. Jerusalem hi Muslim kan daihnak khuapi ah kan ser lai tiah Erdogan nih a chim. US nih Jerusalem ah embassy thial ding in timhnak a ngeihmi zong fak ngaiin a soisel.
'Jerusalem i lung pakhat thial hmanh hi sullam a ngeimi si a ti. Israel nih Palestinian an tuahto ning zong kan cohlang kho lo. Gaza Strip an kharmi hrimrim hi minung phung a si lo a ti. Tapung nih hriamnam chawlehthalnak caah an hman tuk caah Israel nih an phihmi a si. Israel leiin an rannak in an rak leh colh hna.
'President Erdogan biachim hi 'hram ngei lo volhpamhnak' a si an ti. 'A ram (Turkey) ah dong loin human rights a buar zungzal komi nih Middle East ah democracy ram khat te a simi Israel hi rak kan cawnpiak hlah seh' tiah foreign ministry leiin biatung an chuah.
Israel nih 'biaknak zalonnak tling tein kan pek hna. Jews miphun zong zalong tein an biaknak an zul kho i, Muslim zong an zul kho, cun Khrihfami zong an zul kho. Zeitluk hmanh in chim in zai lengmang ko hmanh law kan tuah leng ko lai ko lai tiah a chim chih.
Israel Parliament nih upadi thar ser an timhmi cu Muslim thlacam thawng hi a than tuk tikah zan 11:00pm in 7:00 am tiang loudspeaker hman ti lo ding an ti. Zeitik ah dah an ser khawh te lai theih a si rih lo. Asinain Muslim huatnak upadi a si tiah fak piin an doh hna. Ref: TOI.