President Trump nih ruah lo tuk in FBI Director James Comey rian a phuahmi nih fak ngaiin linhsatnak a chuahter. Fak ngaiin sukkhaknak a tong te lai tiah a ruatmi zong an um i, sau a kal kho te lai maw a timi zong an um.
Asinain Vice President Mike Pence nih cun chiatnak in pakhat hmanh a rak hmu lo. Thil pathum in a chim hna. Russia hlathlainak kong ruangah a rian phuahmi a si lo tiah a chim. A chim thanmi cu 'fiang tein kan chimh hna lai.. American mipi zawnruahnak taktak he biachahnak a tuahmi a si a ti.
Hi bantukin President Trump nih biachahnak a tuahmi hi hruaitu thawng dirhmun a langhtermi zong a si i, American mipi nih an ruahchanmi hruainak zon a si. A thar in FBI thok than caan a si cang tiah a chim chih. Asinain zeiruangah dah a rian in phuah a si timi fianternak a tuah lo.
President Trump cawlcangh hi a dinfel tuk ruangah maw a si? Thil sining kong fiang tuk in a hmuh hna ruangah maw raltha in a cawlcanghmi a si hnga timi hi tuaktan khawh a har ngai. Tuan deuh National Security kongah ruahnak petu Micheal Flynn a phuah cang.
Syria a phomh cang; Mother of All Boms in ISIS a phomh cang hna; Korea rili ah a raltuknak tilawng thazaang a rak thlah thluahmah, cun a term hmanh a dih naisai lomi FBI Director James Comey a phuah than.
Khuakhan an thiam tuk ruangah maw a si, tuaktan lo cawlcangh dah an si timi theih an si lo. Zoh deuh rih lengmang a hau ko. Ref: CNN News.