Science thiamnak in minung nih kan ruah-phak lo tiang in khuaruahhar thil phunphun an tuah hna. British pa nih tuanbia thar a tial cang. Video ah kan hmuh tawnmi Iron Man a zuan bantukin Bristish pa zong a zuang kho cang.
Video lawng ah minung zuan ti loin a taktak in Bristish pa Richard Browning a zuang kho cang. Amah tein thilri aa ser hna i a zuan kaa ahcun a tla than lengmang, asinain aa zuang lengmang i a zuang kho cang.
Hmailei ah cun pumpak in duhnak paoh ah zuan khawh a si te lai. London i khua pakhat Wiltshire ah a ummi a si i, engineer pakhat zong a si. Thil thar a sermi nih vawleicung thil sining tiluan tampi a thlen lai tiah an zumh.
A chimmi cu minung kan pum le ruahnak nih thil khauruahhar a chuah pi khawh hna. Tha tein kan hman thiam hna an hau a ti. Ka hneksak kaa ahcun tlak le kai than lengmang a si. Atu cun kaa ning cang ngai cang tiah a chim. A minthang chin lengmang cang. Ref: The Express.