Hruh-ralthat in a ralthami Alex Honnold nih El Capitan timi lungpang tlang sang taktakmi a kaimi cu tih a nung kho tuk. Hri zong a hmang lo. A kut le a ke lawng bochan in vawleicung lungpang tlang sangbik a simi a kai.
US i Californa, Yosemite National Park ah a si i, vawleicung inn sang bik naak in a sang deuhmi a si an ti. A kai lio a zohtu hna cu an hmul le sam tiang in an ling dih. Zoh ngam hrimhrim a si lo tiah minung pakhat nih cun a chim.
Hri loin a kut le a ke lawng in a kai kho hmasa cem a si. An san tuk tikah thli nih a vun hrenh chih caan ahcun a tla lai hlah maw ti awk in a um lengmang, asinain lung vampang ah aa bek chih ve lengmang tawn. Thli a vun daih deuh in a kai than lengmang.
Minung pakhat nih a tial thanmi cu 'zeitik ah dah a tlak lai i a thih lai ti lawng ka bawh' a ti. 'Ka zohnak ah keimah ka tuar a fak deuh' tiah minung pakhat nih a tial than. 'Science zong a doh i maimomh zong a si ko lai' tiah minung pakhat nih a tial. Ref: The Express.