US, Mississippi i Provine High School ah biology sayamah Amber Turnage cu a sianghngakchia he sex a tuah lengmang lawng si loin an tuahnak hmanthlak social media kip ah a langh lengmang ruangah police nih an tlaih.
Jackson Public School District zong nih biatung an chuah. 'Hi bantuk sualpuhnak hi a hma fak piin kan lakmi a si. Fiang tein kan theih khawhnak ding ah kan hlathlai cuahmah lio a si. Fiang tein thil sining kan theih hnuah a herh ning in biachahnak kan tuah lai' a ti.
'Kan local upadi tuanvo ngeitu sinah thawng kan thanh cang hna. Kan sianghngakchia himnak le thatnak hi kan hmuitin sangbik a si. A herh ning in hma kan lak' tiah a chim chih.
A sual pimi kum 17 sianghngakchia a sihni nih a chimmi cu 'sianghngakchia dangdang nih report an tuah lengmang hnuah kan theihmi a si. Sex thangchiatnak he ka sianghngakchia pa ni le caan a rak hman pi lengmang.
A sayamah nu nih a hmuh tikah a lem i sex a tuah pi lengmang. A sualnak lenglangh a timh tikah tangka in a lem than i lengah theihter lo ding in a soilem than' tiah a chim. A kong an hlat dih in a biaceih a si te lai. Sex ruangah US sianginn sayamah thongthlak a tam ngai cang. Ref: Express.