Spanish cup ah Barcelona nih Alaves cu 3-1 in an rak tei hna. Muidawh zong a si i model zong a simi Judit Benavente le Barcelona team uartu (fans) pawng lung a tling tuk. Judit nih aa lawmhnak langhternak caah thil pakhat a tuah.
Judit hi Barcelona a uar i a tanh zungzaltu zong a si. Bawilung cu an chuih i Barcelona nih kol thum in an tei hna. Muidawh Judit Benavente nih Barcelona anki cu aa lak i a ihkhun chungah a phah. Taklawng in a ih hnawh. Social media cu meialh in a alhter dih.
Muidawh pawl nih an tuah tawnmi a si ko. An tanhmi team nih teinak an hmuh tikah an lunglawmhnak langhternak caah taklawng in an i langh tawn. Anmah hrimhrim nih bia an i kammi a si. Teinak an hmuh ahcun taklawng in ka umpiak hna lai an ti tawn. An tuah tawn taktak.
Soisel a um lem lo. Asinain Judit thil tuah cu a linsa kho tuk. Barcelona angki cungah taklawng in a it i van (lucky) a chiatter cang lai tiah dong loin comment petu zong an rak um. Thatnak in a hmutu zong an rak um thiamthiam ve.
Miphun cheukhat hna cu zohbelh a hmangmi an um tawn i, Barcelona kha sung sual hna seh law amah nu ruangah a si an ti colh hnga. Cu bantuk cun an angki cung i a taklawng in aa phah thluar komi cu a celh lo tawk zong an rak um taktak ve. A uartu zong an rak um thiam fawn. Ref: The sun.