REAL Madrid star Cristiano Ronaldo nih mipi cu khuaruahhar in a tuah hna. Man Utd boss thing a simi Alex Ferguson le Ronaldo tonnak an ngei i, Ronaldo he an i chawnhbiaknak bia video lengah a chuak i mipi lung a tongh tuk hna.
Ronaldo nih a boss thing Ferguson cu a kut a tlaih i an i kup len. Biaruahnak zong thaw taktak in an ngei. Ronaldo nih a boss thing a philh lo. Hi tiang dirhmun a ka phanhtertu cu ka boss thing Ferguson a si tiah Ronaldo nih a philh kho lo an ti.
An i ton cangka in Ronaldo nih 'Boss, na dam maw?' tiah a kut a tlaih i a kuh colh. Minung pakhat nih a chimmi cu 'Ronaldo nih a sersiamtu a boss a philh kho bal rih lo' a ti. Caan zeimawzat chung biaruahnak le caposeihnak an ngeih hnuah lam dang veve ah an i then than.
'Ronaldo le a boss thing karlak pehtlaihnak a tha zungzal ko mu. Bawlung chuih tuanbia ah upat tlak veve minthang bik pahnih an si ko lai' tiah minung pakhat nih comment a pek. Ref: The sun.