North Korea nih dong hngal loin US a hrocer lengmangmi hi ing zong a puang pah cang i, thin zong a phang lengmang. An i kah sual ahcun zeitluk tihnung nuclear ral dah an chuahter lai timi theih khawh a si. Pawngkam ram an tuar dih lai.
Tuaktan kho nih an zoh lengmang tikah North Korea nih US a kap kho tak hnga maw tiah an lunghring. Pacific rili i America ram pakhat Guam belte hi North Korea in meng 2,000 hrawng aa hlatmi a si i, North Korea nih a kah khawh men ko lai an ti.
America ram laihlung lei deuh a simi le North Korea aa hlat-neih zoh tikah Washington i Cape Alava hi North Korea in meng 4,700 aa hlat. North Korea nih America ka kah lai a ti lengmangmi hi a si kho lomi a si an ti.
Zeicatiah North Korea nih lamhla a kap khomi missile le nuclear a ngeih rih lo. Missile fa deuh lawng a ngei hna i Japan, South Korea le Guam tbk lawng a kah khawhmi chungah aa tel an ti. America a hrocer lengmangmi cu a pakpalawng a si tiah tuaktann kho nih cun an chim.
Homeland Security advisor George Charfauros Jr nih cun 'North Korea naak in tek tlak hmanh kan tih deuh a ti. 'Thlichia le lihhninh tu hna hi kan caah tihnung deuh ah kan ruah. North Korea nih harnak kan pek khawhnak lam a bi tuk' tiah a chim chih.
THHAD missile nih a kan runven khawh ko lai. Cucaah North Korea leiin runven ding kan ngei lo. Kokek tihnung tu hna hi kan i runven deuh ding an si ko tiah a chim. Ref: Reuters.