ISIS nih ram kip um an unau hna sinah forhfialnak bia an chim than. 'London mipi kan thah ning zong nan hmuh dih hna. Hi bantukin nitlak ram minung a that khomi paoh cu Ramadan laksawng nan co lai' tiah thanhca an chuah than.
Muslim thla thiang Ramadan puai an tuah cuahmah lio a si. An chim thanmi cu 'namte in nan hmuhmi paoh sawh hna u, motor in nan pah khawhmi paoh pah hna u, bom in nan puah khawhmi paoh puah hna u. Nan laksawng co nan duh cio lo amw?' an ti hna.
'Ramadan thla thiang chungah nitlak ram Crusader a that khomi poah cu laksawng nan dong lai. Kan Quran nih a kan cawnpiakmi philh hlah u. Thil tha a tuahmi paoh cu a let tampi in laksawng nan co lai tiah bia a kan kamh' tiah a chim chih.
ISIS nih mipi an doh ning a fak i aa dang chin lengmang cang. Meithal le bom tluk in motor pah tbk zong an hman cang. National Counter Terrorism Security Office in Chris Philips nih a chimmi cu 'ISIS nih atu lio hi mipi thahnak caan tha an kawi lio caan a si caah ralrin ngai a hau' a ti.
A chim thanmi cu 'ralring tein kan um lawng a za lo. Kan lunghrinhmi minung paoh cu a rannak in police sinah theihter lengmang a hau' tiah a chim chih. Ref: The Express.