Kim Jong-un nih a raltuknak vanlawng thazaang a langhter cang. An hruaitu Kim Jong-un le a ralbawi pawl nih an zoh hna. Kim Jong-un cu a lungtling tuk i a nih lawng te a chuak. State media nih 'kan ral vanlawng le raltuknak tilawng zong kan hrawh dih khawh hna lai.
Kan ral he phomh ding in timh cia kan si cang tiah a tial. Eksaisai (exercise) an tuah chungah bom zong an tlak len; an hmuitinh zong an kah len hna. Raltuknak vanlawng mongtu zong an thiam i an vanlawng zong that ngai dawh an lo.
An kahnak hmun paoh an khen dih. Kim Kim zong a nih lawng te a chuak i a haa a khumh te a khumh kho lo. South Korean ralkap upa leiin an chimmi cu 'North Korea raltuknak vanlawng hi Sukhoi Su-25 Frogfoot, MiG-29, MiG-23, MiG-21, le MiG-15 hna an si' an ti.
Korea le Japan ah US nih a raltuknak tilawng lianlian a chiahmi hi a sawhsawh a si lo tiah an chim hnuah North Korea nih eksaisai a tuahmi a si. UN nih North Korea dan a tat hnuah a raltuknak vanlawng thazaang a vun langhtermi a si.
US le Taluk cungah North Korea zong a thinhung ngai. Ka missile le nuclear program ka ngol lai lo tiah a chim than. Cun US nih North Korea a kah te ko lai tiah a chimmi zong an um cang. Ref: The Express.