Russia cozah ziknawhnak le eihmuarnak dohnak a linsa chin lengmang. Russian dohtu party hruaitu Alexey Navalny zong nikhatni ah police nih an tlaih i upadi ralkah in sandahpiahnak a chuahter caah ni 30 chung hren ding tiah sual an phawt tiah a biachimtu nu nih a chim.
Navalny nih biaceihtu zong 'keimah sualnak lam kawl in police ca nan tialpiak hna' tiah biaceihnak zung ah a sawh chih hna. A nupi Yulia zong Moscow an inn ah an hren ve.
Ni 30 chung hren ding in a bia an chahpiak hnuah twitter in a tialmi cu 'kan ram an fir i an hramh lawng hmanh si loin anmah ruangah Depeche Mode concert kaa tel kho ti lai lo' a ti. Police le mipi fak tuk in dohnak a chuah hnuah an tlaihmi a si.
Russia khuapi Moscow le St. Petersburg cu mipi 270,000 leng nih a hninh in an hninh ko. Kum voi ah President cuh ding in aa tim. Navalny hi mino zong a si pinah an uar ngaimi politician thawng taktak a si. Ni kum March zong ah Russia cozah fak piin a hninh than cang hna.
Nikhatni ah sandahpiahtu minung 1,400 hrawng an tlaih cang hna. St. Peterburg ah 548 an tlaih hna i Moscow ah 825 an tlaih hna. Nikhatni ah Russia cozah mipi sinah ralrinnak an chimmi cu 'Moscow ah sandahpiah cu kan onh lo. Phungning a si lo an ti.
US nih fak ngaiin an vun mawhchiat hna. Dai tein sandah a piahmi tlaih ding an si lo. Russia ram kip ah minung tam tuk nan hrenmi hna hi cohlan khawh an si lo. Democracy le human rights rampi nan doh a si' tiah US Inn Raang leiin Press Secretary Sean Spicer nih a chim. Ref: CNN News.