WWE champion hlun a simi Bray Wyatt le WWE biahaltu Jojo thlithup tuanbia a chuak dih. Kum nga chung thlithup pehtlaihnak an rak ngei lengmang. Wyatt nupi Samantha Rotunda nih 'kum nga chung bakte a ka hlen' tiah a chim.
Tu kum March thla ah khan Bray Wyatt le Samantha Rotunda cu an i then. A nupi nih a pasal le Jojo thlithup pehtaihnak a theih hnuah thennak ca a tial i an i then. Fanu pahnih an ngei. Biaceihnak zung ah a fanu pahnih le an inn cu keimah nih ka co awk a si ko' tiah a chim.
Bray Wyatt le WWE biahaltu Jojo karlak ah pehtlaihnak hi a rak luan ngai cang. Nupi le fale a ngeih hnu tiang ah Jojo he an rak um ti i nu le va bantukin caan an rak hmannak a sau cang. Samantha nih 'aa ka hlen lengmang' tiah fak ngaiin a chim.
Samantha sihni Rya Rafool nih a chimmi cu 'Jojo le Bray karlak ah dong loin pehtlaihnak a um lengmang' tiah a chim. Bray nih cun 'a hmaan lomi sualpuhnak a si. Kan minchiatter aa zuam caah a si' tiah a chim.
Bray Wyatt le Samantha hi 2012 ah an rak i um. Bray a min taktak cu Wyndham Totunda a si. 2009 ah WWE ah a lut. A pa zong WWE ah caan sau ngai a um cangmi Mike Rotunda a si. Ref: The sun.