Derek Deso hi nihchuak capo thil tuah a hmangmi a si i, hmurka in nihchuak capo seih lem loin minung pakhatkhat cungah thil tuah a hmangmi a si. Midang kha a phunphun in an capo hna i an caponak video hna kha mipi zoh nuam ah youtube tbk ah an chiah tawn hna.
Ni khat cu a hawile he a ngaknu inn ah an rak ra i, a ngaknu cu ihnak khan chungah siangbah le bawngbi chung he lawng in a rak i hngilh ko. Cheukhat a hawile nih video an zeih i, minung pakhat nih bawn chung in rul ngan taktakmi pahnih cu a vun chuah i, aa hngilh liomi a ngaknu cungah cun a chiahter.
Derek nih cun 'tho cang, na tawk cungah rul ngan pipi pahnih an um khah' tiah a thangh. A thei rih lo. Derek nih 'Baby, cawl hlah! na tawk cungah rul ngan pipi an um khah' tiah a hawile he an nih pah bu cun a vun thangh than. A ngaknu cu a vun i thang i a lau ah hin a ther i a ai in kio in a kio colh.
Rak la u tiah a nawl hna. A cawl ngam lo i, cuticun a hmur cu aa sawn i, a tap thluahmah. A tih tuknak ah a ther in a ther cang. A hmur zawng a duk dih. Asinain an la duh hlei lo. An nihsawh salam ko. Minung pakhat nih 'a thinhung i na tawk cungah a kai cang khah' tiah a vun ti chih rih.
A donghnak minung pakhat nih rul cu a lak hna. A tah a ngol kho ti lo. 'Nihchuak ah maw na rel' tiah a tlangval pa cu a cump len. A hnuah cun a tlangval pa nih a hnemh than khawh.
Mipi leiin an hmuhning an chim cio: cheukhat nih cun an sual tuk luammam an ti; cheukhat nih cun an i capo ning a luan tuk an ti i, cheukhat nih cun an capo tuah cu hell bantuk a si; kanmah zong si ve u sih law kha bantuk kha kan si cio ve ko lai a ti.