Mexico in a hngakchiat lio tein a nu nih US ah phungning loin (illegal) a rat pi vemi hna an si. Citezenship an ngei lo. President Trump nih a kan kuat than sual lai tiah thinphang in um lio a si. Mang chia hlah maw kan manh ti awk in kan um lio a si a ti.
A min ah Rosa, 22 a si i, Mexican ka si ruang, nu ka si ruang le lesbian (nu le nu tbk in sex a tuahmi) ka si ruangah thinphannak pathum ka ngei a ti.
Trump president tlin cu mang chia hlah maw ka manh ti awk in ka um. Ka zumhmi ruang le atu ka sining ruang ah hin zei zong vialte nih ka doh dih seh law, cu ko cu ka lawhter; mi vialte zong nih ka doh dih hna seh law, cu ko cu ka lawhter. Ka caah a fawi lo tiah a chim.
Thla kua a si in a nu nih phungning loin US ah a phak pi. Obama nih a nawlngeihnak in nawl a chuahnak in riantuannak nawl a ngeimi a si ve. Asinain a chimmi cu, cu hlan vialte cu thinphang in kan um peng. Riantuannak nawl ka hmuh in rian ka tuan a ti.
'Trump nih document ngei lo paoh ka kuat than dih hna lai a ti tikah kan chungkhar in kan thinphan dih. Ka chungkhar an kuat hna ahcun ka kal ve ko lai. Ka chungkhar lawng hi ka ngeihmi an si. Ka taang lai lo. Ka thin lawng a phang ko cang' tiah Rosa nih a chim.