Steve and Reince hi hruaitu tling bak an si i, chuak lak in tei ah a kan phak pitu zong an si. Inn Raang pi ah ka pawngah an um lai i America kan liannganter than lai tiah President Doanld Trump nih a chim.
Chief of staff ah Reince Priebus a khanh i chief strategist ah Stephen Bannon a khanh.
A biapi tukmi rian pahnih cu teinak ah Trump a phak pitu minung pahnih cungah khinh an si. January 20 ah Donald Trump cu President biakamnak tuahter a si lai i, a voi 45 nak President a si cang lai. President biakamnak a tuah in cun an pahnih rian zong fehter a si cang lai. Hi rian pahnih hi Congress fehter a hau lomi a si.
A hlawhtling tukmi team he riantuan ti than lai ding cu kaa ngeih tuk tiah President Trump nih a chim. Reince Priebus hi Republican National Committee (RNC) ah chairman a tuanmi a si i, Stenphen Bannon hi conservative Breitbart News Network ah riantuan a si.
An lunglawmhnak zong an pahnih in an chim veve. Priebus nih 'American mipi caah Trump hi president tha a si lai' a ti.