Zarhpini ah President thimmi Donald Trump nih 'million in Clinton an vote mi ah hin hrokhrol aa tel. Hrokhrolnak rak um hlah seh law popular vote zong hi ka rak tei chih ding a si ko tiah a chim.
CNN nih cun 'tehte ngei loin a chim sawhmi a si' an tipiak ve. Green Party nih vote rel than ding an timi zong 'hrohrol le nihchuak' a si tiah fun kawl an duhnak tiang in a coihpiak hna.
Electoral College Vote le Inn Raang a co ko nain Democratic leiin Clinton nih popular vote in a tei ve. Trump nih cun 'Piat ko in Electoral Vote ka tei pinah popular vote zong in ka tei thiamthiam ko' a ti.
'Hrokhrol in an thlami vote million hi zuk u sih law ka tei thiamthiam ko lai' tiah Trump nih zarhpini ah a chim.
A chim thanmi cu 'a hramthok khan rak duh ning law popular vote zong hi fawi tein ka rak tei ko lai. State 15 ah khan rak kal loin state 3 or 4 hrawng te ah ka rak kal lai i, camapign ka tuah hna lai i, popular vote cu fawi tein ka hmuh ko lai' a ti.
'Virginia, New Hampshire le California ah hrokhrol vote thlak a tam tuk. Zeiruangah dah media nih a report duh lo a ti. A poi taktakmi a si' tiah a chim than. Ref: CNN.