India cozah nih Rs 500 le 1000 note a thahmi cu mipi caah harnak petu taktak a si. Delhi khuasa tlawm te a simi Laimi hrimhrim cu a buai i, a celh ti lomi an tam cang. Aho hmanh hrial loin harnak kuang chungah an a kan thlak dih cang.
India cozah dohtu party paoh zong ram pumpi huap in sandah kan piah peng lai an ti. Kan hnu zarh ah khan Parliament ah fak piin biaalnak an tuah i, PM Modi zing ngaihthiam nan kan hal a hau an ti.
Tangka na thahmi hi a thlopbul ning cang na thiam lo tiah fak ngaiin an phomh. PM Modi nih tangka a thahmi kongah runvennak a chim ve. Ramchung ziknawkhnak le eihmur kan doh a hau cang a ti. Indian hi tax a pe lomi an tam pinah tangka deu a tam tuk cang.
Kolkata zong ah fak piin sandahpiah an tim i, Bangalore zong ah fak piin piah an tim than. 'Thinhunnak ni' ti tiang in an au cang. Modi nih zarhpini ah a chimmi cu tangka note nan ngeih lo zongah ATM card tbk hmang ko u tiah a ti. Asinain mipi bank account a ngei lomi an tam tuk.
PM thing a simi Manmohan Singh nih cun 'riantuan thiam lo taktak a si' a ti. Modi nih 'hi thil a tuahmi nih hin ramchung cozah tangka luhnak (gross domestic product) 2% a tlakter lai' a ti. Mipi an buai tuknak ah cun police tiang in tlangtlak an hauhnak a tam tuk cang. Ref: BBC.